Ýkraına prezıdenti Vladımır Zelenskıı Reseı kúshteri ózderiniń áskerı qylmystarynyń izin jasyrýǵa tyrysyp jatyr dep málimdedi. Bul týraly Financial Times basylymy habarlady.
Zelenskıı Kıevke jaqyn Býcha qalasynda Reseı kúshteri úsh júzden astam adamdy óltirip, azaptaǵanyn aıtty.
Ol Birikken Ulttar Uıymynyń Qaýipsizdik Keńesinde Almaty ýaqytymen keshki segizde sóz sóıleıdi, sol kezde qosymsha dálelder keldiredi dep habarlandy.
Býcha kóshelerindegi ólgen beıbit turǵyndardyń adam shoshytarlyq sýretteri jarıalanǵannan keıin Reseı halyqaralyq aıyptaýǵa ushyraǵan.
AQSH prezıdenti Baıden Pýtındi "áskerı qylmysker" dep atady jáne "ol oqıǵalarǵa baılanysty sotqa tartylýy kerek" deıdi.
Reseı barlyq aıyptaýlardy joqqa shyǵarady jáne eshqandaı dálel keltirmesten, vıdeolar feık dep málimdedi.
Pikir qaldyrý