Máskeýlik demonstrant Reseı áskeriniń shabýylynan qaza taýyp, máıiti kómilýsiz kóshede shashylyp jatqan Ýkraınanyń Býcha qalasyndaǵy qurbandarǵa qurmet retinde artqa baılaýly qolymen jerde jatyp narazylyq aksıasyn jasady.

Demonstrant qolyn artyna baılanǵan kúıinde jerde etbetimen jatyp sýretke túsken. Narazylyq bildirýshiniń fotolary Reseı astanasynyń ár jerinde, sonyń ishinde qaladaǵy Qutqarýshy Hrıstos soborynyń janyndaǵy kópirde túsirilgen.

Sýretterdi Reseıdiń táýelsiz Holod.media saıty taratty. Saıt qyzmetkerleri Reseıden qashyp ketken ári Reseı bıliginiń nysanasyna jıi ushyraǵan. Biraq basqa basylymdar sıaqty áli buǵattalǵan joq.

Reseı iskeri Ýkraınanyń Býcha qalasynda qandy qyrǵyn jasaǵannan keıin qala kósheleriniń ár járinde ólip jatqan adamdardyń aıanyshty sýretteri taraǵan. Olardyń keıbireýleriniń qoldary baılanǵan. Oqıǵaǵa baılanysty sońǵy kúnderi Reseıge qatysty halyqaralyq aıyptaýlar kóbeıdi.