2022 jylǵy 24 aqpannan beri Qazaqstan bankterinde Reseı men Belorýs azamattary 11 940 shot ashqan. Bul týraly qarjy naryǵyn retteý jáne damytý agenttigi habarlady.

Ashylǵan shottardyń ishinde 10 725 shot ótinish berýshiniń nemese senim bildirgen adam Qazaqstan bankinde jeke bolýy arqyly, 1 215 shot qashyqtan ashylǵan. Osylaısha, Qazaqstan bankterinde shottary bar Reseı men Belarýs azamattarynyń jalpy sany 162 myńǵa jetken.

"Reseı Federasıasynyń rezıdent – zańdy tulǵalarynyń jańa shottarynyń sany jyl basynan beri azdap ósken. Aǵymdaǵy jylǵy aqpannyń sońynan beri bank shottary 7 Reseı kompanıasyna ashylǵan, Qazaqstan bankterinde shottary bar Reseı uıymdarynyń jalpy sany 805-ke jetti.  Qazirgi ýaqytta barlyq sheteldik azamattar men kompanıalar úshin bank shottaryn ashý jáne júrgizý tártibi qylmystyq jolmen alynǵan kiristerdi zańdastyrýǵa (jylystatýǵa) jáne terorızmdi qarjylandyrýǵa qarsy is-qımyl týraly zań (KJTQQ) normalarymen, sondaı-aq Ulttyq Bank pen Agenttiktiń retteýshilik talaptarymen rettelgen. Osylaısha, Ulttyq Banktiń 2016 jylǵy 31 tamyzdaǵy №207 qaǵıdalarynyń talaptaryna sáıkes shotty ashý oflaın rejımde de, elektrondyq ótinish arqyly onlaın da júrgizilýi múmkin" delingen aqparattyq habarlamada,

Agenttik bankter sheteldik, onyń ishinde transshekaralyq sıpattaǵy klıentterdiń operasıalaryna kúsheıtilgen monıtorıń júrgizetinin atap ótkenú