Bas prokýratýranyń birinshi qyzmet bastyǵynyń orynbasary Eldos Qılymjanov ortalyq komýnıkasıalar qyzmetinde ótken brıfıńte qańtar oqıǵasyna baılanysty tergeý jumystarynyń barysy týraly habarlady.

Onyń sózinshe, tártipsizdikterge 12 uıymdasqan qylmystyq toptyń qatysqany anyqtalǵan.

– Olardyń ishinde ishinde eń belsendileri – "Dıkıı Armannyń" toby, "Qazaqstandyqtar" jáne "Aıshýaq-Jantúgel" toptary. Uıymdasqan qylmystyq toptyń 23 múshesi qamaýǵa alyndy. Olardyń ishinde 4 qylmys avtorıteti bar. Bul qylmystardy uıymdastyrýshylar men qatysýshylardy anyqtaý jáne jaýapqa tartý úshin barlyq qajetti sharalar qabyldanýda. Búgingi tańda jappaı tártipsizdikti uıymdastyrý jáne qatysý boıynsha 547 adam kúdikti retinde tanylyp, olardyń 269-y qamaýǵa, – dedi Eldos Qılymjanov.

Ol qańtar oqıǵasy kezindegi áýejaıǵa, polısıa departamentine, "Qazaeronavıgasıa" ǵımaratyna jasalǵan shabýyl, Almaty qalasy ákimdiginiń aldynda uıymdastyrylǵan tártipsizdikter sekildi jekelegen oqıǵalarǵa baılanysty baıandama jasady.

Sondaı-aq Almaty, Jambyl jáne Qyzylorda oblystary Ulttyq qaýipsizdik komıteti jáne polısıa departamentterin, Almaty áýejaıynyń ǵımaratyn tastap ketý faktileri boıynsha tergeý jalǵasyp jatqanyn jetkizdi.