Sondaı-aq jıynda memleket menshigindegi jekelegen nysandardy, sondaı-aq Nur-Sultan, Almaty, Aqtóbe, Qaraǵandy, Qyzylorda, Qostanaı, Pavlodar qalalaryndaǵy kóshelerdi qaıta ataý máseleleri qaraldy.

"Ózderińiz biletindeı, memleket basshysy Qazaqstan halqyna Joldaýynda birqatar ákimshilik-aýmaqtyq ózgeristerdi atap ótti. Olardyń barlyǵy tereń ekonomıkalyq negizdemege ıe, orasan zor mýltıplıkatıvtik áseri bar. Degenmen eń bastysy-qoǵamdyq pikirdi eskerý mańyzdy. Endi Qazaqstanda óz oblys ortalyqtary bar jańa oblystar paıda bolady. Atap aıtqanda, Semeı qalasy jańa Abaı oblysynyń ortalyǵyna, Jezqazǵan jańadan qurylǵan Ulytaý oblysynyń  ortalyǵyna aınalady, osyndaı ózgerister Almaty oblysyna da qatysty" dedi mınıstr.

Otyrys qorytyndysy boıynsha komısıa músheleri Shyǵys Qazaqstan, Qaraǵandy jáne Almaty oblystary ákimdikteriniń jańadan qurylǵan Abaı, Ulytaý jáne Jetisý oblystaryna ataýlar berý týraly usynystaryn maquldady. Jaqyn arada komısıanyń qorytyndysy daıyndalyp, zańnamaǵa sáıkes odan ári jumys isteý úshin oblystardyń ákimdikterine jiberiletin bolady. Buǵan deıin respýblıkalyq onomastıka komısıasy Qapshaǵaı qalasyn Qonaev dep qaıta ataý týraly oń qorytyndy bergen bolatyn.