Mudarabah Capital qarjy pıramıdasynyń salymshysy Baǵıla Dosmaıylovanyń ózin órteý deregine baılanysty qylmystyq kodekstiń 105-baby (ózine qol salýǵa deıin jetkizý) boıynsha tergeý júrip jatyr, dep jazady KazTAG saıty.

"11 sáýir saǵat 16.38-de "102" nomerine QR İİM ǵımaratynyń mańyndy áıel ózin órtegeli turǵany týraly aqparat kelip tústi. Oqıǵa ornyna polısıa qyzmetkerleri men "Almaty" aýdany ákimshiliginiń adamdardy keldi. Narazy azamattar Almatydaǵy qylmystyq iske baılanysty shara qoldanylmasa, ózderin órteıtinin aıtyp ses kórsetti. Polısıanyń túsindirýine qaramastan, uıymdastyrýshylardyń biri ústine suıyq zat quıyp úlgerdi. Sol sátte ýchaskelik polıseı onyń qolynan ustap, ottyǵyn alyp qoıýǵa tyrysty. Lezde tutanǵan ot birden óshirildi. Zardap shegýshige alǵashqy kómek kórsetilip, aýrýhanaǵa jatqyzyldy. Polıseıdiń qoly kúıip, ol da jaraqat aldy" delingen aqparattyq habarlamada.

Ózin órtegen salymshy Dosmaıylovanyń áýleti qarjy pıramıdasyna 20 mıllıon teńge salyp jibergeni belgili boldy.

Ol buǵan deıin belgili vaıner Meıirjan Tórebaevtyń jarnamasyna sengendikten pıramıdaǵa qarjy salǵanyn, artynsha aldanyp qalǵanyn jetkizip, vaınerdi sottaýdy talap etken.

 

 

 

Posmotret etý pýblıkasıý v Instagram

 

 

 

Pýblıkasıa ot Bagıla Dosmaılova (@bagila.dosmailova)

Sondaı-aq ol Almaty qalasy polısıa departamenti basshysynyń orynbasary Rýstam Ábdirahmanovty is ishki ister mınıstrligine ketip qalmas úshin isti jabýǵa asyǵyp otyr dep aıyptap, ony ólimine kinálaıtyny týraly jazǵan.

 

 

 

Posmotret etý pýblıkasıý v Instagram

 

 

 

Pýblıkasıa ot Bagıla Dosmaılova (@bagila.dosmailova)

Rýstam Ábdirahmanov jábirleýshiniń jazbasyna pikir bildirip, qazirgi ýaqytta qylmystyq is aıasynda 14 adam tergelip jatqanyn, is jýyq arada sotqa jóneltiletinin, materıaldyq shyǵyndy óteý boıynsha sheshimdi sot shyǵaratynyn málim etti.

 

 

 

Posmotret etý pýblıkasıý v Instagram

 

 

 

Pýblıkasıa ot Rýstam Abdrahmanov (@rustam.abdrakhmanov_)

Buǵan deıin qazaqstandyq úsh vaıner: Meıirjan Tórebaev, Meıirjan Shernıazov, Azımjan Saıdbaev Mudarabah Capital qarjy pıramıdasyn qurdy jáne oǵan basshylyq etti dep aıyptalyp otyrǵany habarlanǵan. Tórebaev pen Shernıazov 1000 AEK mólsherinde (3 063 000 tenge) kepil ótep, bosatylsa, Saıdbaevqa izdeý jarıalanǵan.

Ózin órteý deregine baılanysty Meıirjan Tórebaev instagram-da atalǵan kompanıaǵa senip qalǵanyna ókinetinin, olardan bir tıyn da almaǵanyn, keıinirek tolyǵyraq pikir bildiretinin aıtsa, Meıirjan Shernıazov ázirge únsiz. Al Azımjan Saıdbaev instagram paraqshasyna 4 jeltoqsannan beri eshteńe salmaǵan.