"Adamdardy asqan", "máıitterdi órtegen". Marıýpol meri Reseı áskeriniń jaýyzdyǵy jaıly aıtyp berdi

/image/2022/04/12/crop-16_82_395x702_qt-russia-ukraine-war-2204120458.jpg

Reseılik áskermen keskilesken urys júrip, eń kóp beıbit turǵyn qaza tapqan Marıýpol qalasynyń meri Vadım Boıchenko Associated Press basylymyna telefon bergen suhbaty barysynda qalada Reseı basqynshylyǵynan mert bolǵandar sany 20 myńǵa jetýi múmkin ekenin aıtty.

Qazirgi ýaqytta Kreml shabýylynan qalada kem degende 10 myń adam qaza tapqany belgili.

Vadım Boıchenko qala kósheleri adam denesinen kórinbeı qalǵanyn, Reseı kúshteri adamdardy asyp, máıitterden qutylý úshin Marıýpolge órteýge arnalǵan jyljymaly jabdyqtar ákelgenin, máıitterdi iri saýda ortalyqtaryndaǵy qoımalar men tońazytqyshqa jetkizgenin aıtty.

Sózinshe, Reseı áskeri qandy qyrǵyndy jasyrý úshin birneshe apta boıy qalaǵa gýmanıtarlyq konvoılardy kirgizbeı qoıǵan, qurbandar sany 20 myńnan asýy múmkin,

– Qaladan tek reseılik "fıltr lagerinen" ótkender ǵana shyǵarylǵan. Kıev Reseı kúshteri Ýkraına azamattarynyń pasportyn tartyp alyp, olardy eldiń shyǵysyndaǵy separatısterdiń (Donbass - red) baqylaýyndaǵy "fıltr lagerlerine" jiberip, odan ary Reseıdiń shetkeri, ekonomıkasy mesheý aýdandaryna jiberip otyrǵan. Fıltrden ótpegender ımprovızasıalyq túrmelerge aýystyrylǵan. Elden 33 myńnan astam adam Reseıge, ıa bolmasa Ýkraınanyń separatıstik aýmaǵyna shyǵarylǵan, – deıdi ol.

"Fıltr lagerlerinde" adamdarǵa "Reseıge jaqsyń ba, álde qarsysyń ba?", "Ultshylsyń" ba, joq pa?", "Ýkraınada jaqyndaryń qaldy ma?" degen sıaqty suraqtar qoıyp, jaýap alǵan.

Kıev mańyndaǵy azat etilgen qalalar men eldimekenderdegi Reseı áskeriniń jaýyzdyǵyna álem jurtshylyǵy áskerı qylmys dep baǵa berip otyr.

"Adamdardy asqan", "máıitterdi órtegen". Marıýpol meri Reseı áskeriniń jaýyzdyǵy jaıly aıtyp berdi

Qatysty tegter :

Pikir qaldyrý

Qatysty Maqalalar