Birikken Ulttar Uıymy Ýkraınadaǵy 7,5 mıllıon balanyń 4,8 mıllıony soǵys bastalǵaly baspanasyn tastap ketkenin habarlady. Bul týraly Eruonews.com basylymy jazdy.

Aldaǵy kezeń "Kıev úshin sheshýshi kezeń" deıdi Batys sheneýnikteri. Ýkraına prezıdenti Zelenskıı Reseı Ýkraınanyń shyǵysyndaǵy kezekti shabýylǵa on myńdaǵan sarbazyn jumyldyryp jatqanyn aıtady.

AQSH pen Ulybrıtanıa "Marıýpolge shabýyl jasaǵan reseılik kúshterdiń hımıalyq qarý qoldanǵany týraly aqparatty zerttep jatqanyn jetkizdi.

Al Avstrıa kansleri Karl Nehammer soǵys bastalǵaly beri Reseı prezıdenti Vladımır Pýtınmen kezdesken birinshi Eýroodaq basshysy boldy. Ol Pýtınniń Máskeýdegi rezıdensıasynda ótken kelissózder "tik, ashyq jáne qatal" formatta ótti deıdi.

Úndistan premer-mınıstri Narendra Modı Pýtın men Zelenskııge tikeleı kelissózder júrgizýge birneshe ret júgingenin atap ótti.