Naýryz aıynda halyq tutynatyn taýarlar sapasyna monıtorıń jasaý aıasynda Soltústik Qazaqstan oblysynyń sanıtarıalyq-epıdemıologıalyq baqylaý departamenti 38 et synamasyn satyp alǵan

"Zertteý barysynda sıyr eti ónimi bar konserviniń eki synamasy jáne shujyq óniminiń bir synamasy talapqa sáıkes kelmeıtini anyqtaldy: JK Pavlov A.S. daıyndaǵan jartylaı ystalǵan "Musylman" shujyǵy (Reseı, Bashqurtstan Respýblıkasy); "Qorǵan et kombınaty "Standart" JSHQ óndirgen "Buqtyrylǵan sıyr eti joǵary surypty" sterıldengen kesek etti konserviler (Reseı, Qorǵan qalasy);  "Orel Ónimderi" AQ óndirgen "Buqtyrylǵan sıyr eti joǵary surypty" sterıldengen kesek etti konserviler (Reseı, Orlov oblysy).

Sondaı-aq, "Túski asqa arnalǵan shoshqa eti" sterıldengen tartylǵan et konservilerde (Reseı, Máskeý oblysy "Selátıno" et óńdeý kombınaty) taýyq etiniń DNQ-sy anyqtaldy" delingen habarlamada.

Dońyz etiniń DNQ-sy dúkenderde satylatyn reseılik konserviler men "Musylman" jartylaı ystalǵan shujyqtarynan tabylǵan.

Zertteý nátıjesinde anyqtalǵan qorytyndylarǵa baılanysty joǵaryda atalǵan ónimder talapqa sáıkes kelmeıtin ónimder tizilimine engizilgen. USO fılıaly mamandarynyń aıtýynsha, óndirýshiler tamaq ónimderin durys tańbalamaıdy, sonymen qatar ónim zattańbada kórsetilgen sıpattamalarǵa sáıkes kelmeıdi.