11 sáýir kúni iske qosylǵan "Uıǵyr aýdanynyń ataýy Sharyn nemese Qaradala aýdany dep ózgertilsin" degen petısıaǵa búginde 115 myńnan astam qol jınalǵan. Onyń 109 myńǵa jýyǵy bastamany qoldasa, 6 myńnan astamy qarsy shyqqan.
Petısıa avtory bastama joq jerden jaý izdegý emes, májilis depýtaty Baqytbek Smaǵul Uıǵyr aýdanynyń ataýyn Qaradala nemese Sharyn dep ózgertýge usynys jasaǵanyn aıtady.
"Bul másele kóp jyldan beri talqylanyp keledi. Qoǵam belsendileri birneshe ret hat jazǵan. Buqaralyq aqparat quraldarynda qanshama maqalalar jarıalandy. Halyq "bul eski másele Jańa Qazaqstanǵa aýysa ma?" dep jıi suraıdy" deıdi depýtat.
Aýdan ataýyn "Qaradala" nemese "Sharyn" dep ózgertý kerek. Nege Sharyn? Óıtkeni bul aımaqta Sharyn ózeni aǵyp jatyr jáne Sharyn shatqaly ornalasqan.
Biz, Qazaqstan halqy Uıǵyr aýdanynyń ataýy Sharyn nemese Qaradala aýdany dep ózgertilsin dep talap etemiz!" delingen petısıa mátininde.
Aýdan atyn aýystyrý máselesi talaı jyldan beri dúrkin-dúrkin kóterilip kele jatyr. Qazaq pen uıǵyr ulty qonys tepken aýdanda sońǵy jyldary birneshe etnosaralyq janjal týǵan. Sońǵy kıkiljiń 2020 jylǵy maýsymda bolyp, aýdanǵa Almaty oblysynyń sol kezdegi ákimi Amandyq Batalov kelgen. Eks-ákimge aýyl halqy aýdan atyn aýystyrý týraly tilegin jetkizgen. batalov máseleni joǵaryǵa aıtamyn dep ketkenimen, másele ózgerissiz qaldy.
Jergilikti qazaqtar aýdan atyn aýystyrý qos etnosty bólektemeıdi, kerisinshe, biriktiredi, Qazaqstan halqy degen túsinik aınalasyna toptastyrady deıdi. Al uıǵyr etnosynyń keı ókilderi aýdan atyn aýystyrýǵa qarsy emestigin jetkizge, keıbiri osylaı qala bergenin qalaıdy.
Pikir qaldyrý