2019 jyldan bastap 10 bastamashyl top saıası partıany tirkeýge qujattar tapsyrǵan. Olardyń úsheýi birinshi kezeńnen ótti. Bul týraly "Ekinshi respýblıka. QR Prezıdentiniń ókilettiligi qalaı ózgeredi" brıfıńi barysynda Ádilet mınıstri Qanat Mýsın málim etti.

Mınıstr búgingi tańda tórt partıanyń qujattary qaralyp jatqanyn jetkizdi.

– "Halyq derbestigi" partıasy ekinshi kezeńnen ótip, rastaý habarlamasyn aldy. Olar sezin ótkizdi. Zań boıynsha, quryltaı sezinen keıin 20 000 kandıdattyń tizimi usynylýy kerek. Tirkeý merzimi zań boıynsha toqtatyldy. Partıa músheleriniń zańǵa sáıkestigi tekserilýde. Úsh partıa boıynsha – jumys birinshi kezeń deńgeıinde júrip jatyr, ıaǵnı partıa qurý nıeti týraly habarlanǵannan keıin zańǵa sáıkes bastamashyl top músheleri arasynda tekserý júrgizildi, olardyń sany keminde 1000 adam bolýy tıis. Olardyń arasynda JSN-nyń durys emestigi, tegi, aty, ákesiniń aty sáıkes kelmegen jaǵdaılar anyqtaldy. Arasynda qaıtys bolǵan azamattar, sondaı-aq basqa partıalardyń músheleri bar ekeni belgilendi. Zań boıynsha, Qazaqstan azamaty bir ǵana saıası partıanyń múshesi bola alady, tıisinshe, basqa partıany qurýǵa qatysa almaıdy, – dedi mınıstr.