Kárim Másimovtiń tergeý ızolátoryndaǵy jaǵdaıy týraly aqparat shyqty

/image/2022/04/21/crop-6_5_272x484_crop-4_9_653x1162_4e80ac00ab2f75c2.jpeg

Qańtar oqıǵasynan keıin qamalyp, búginde qylmystyq kodekstiń 5-baby boıynsha tergelip jatqan UQK-niń eks-tóraǵasy Kárim Másimovtyń qamaýda ustaý jaǵdaıyna, onyń ishinde medısınalyq kómektiń kórsetilýine qatysty shaǵymdanbaǵan. Bul týraly Sputnik Qazaqstan basylymy UQK silteme jasaı otyryp habarlady.

"Ulttyq qaýipsizdik komıtetiniń tergeý ızolátorynda K.Másimov Qazaqstan Respýblıkasynyń zańnama talaptaryna sáıkes materıaldyq-turmystyq jáne medısınalyq-sanıtarlyq jaǵynan qamtamasyz etilgen. Onyń tarapynan kúzetpen ustaý jaǵdaıynda, onyń ishinde medısınalyq kómek kórsetýge qatysty shaǵym túspegen" delingen Ulttyq qaýipsizdik komıteti habarlamasynda.

13 sáýir kúni Karimmassimov.com saıtynda Kárim Másimovtiń densaýlyǵy nasharlaǵany, dárigerler ony dereý qamaýdan bosatý kerektigin aıtyp otyrǵany týraly aqparat shyqqan. Áleýmettik jelide aqparatty Másimovti bosatý boıynsha pıar-kompanıa dep habyldaǵandar kóp boldy.

Búginde qamaýda otyrǵan Másimovtiń tergeý kezinde anyqtalǵan múlki buǵattalǵan. Oǵan atysty qylmystyq kodekstiń tómendegideı 5-baby boıynsha tergeý júrip jatyr.

♦ QK 336-baby 4-bóligi – "Para alý"

♦ QK 362-baby 4-bóligi 3-tarmaǵy – "Bılikti nemese laýazymdyq ókiletigin asyra paıdalaný"

♦ QK 175-baby 1-bóligi – "Memleketke opasyzdyq jasaý"

♦ QK 179-baby 3-bóligi – "Bılikti basyp alýdy nemese ustap turýdy nasıhattaý nemese oǵan jarıa túrde shaqyrý, sol sıaqty bılikti basyp alý nemese ustap turý ne Qazaqstan Respýblıkasynyń konstıtýsıalyq qurylysyn kúshtep ózgertý"

♦ QK 218-baby 3-bóligi 3-tarmaǵy – "Qylmystyq jolmen alynǵan aqshany jáne (nemese) ózge múlikti zańdastyrý (jylystatý)"

Kárim Másimovtiń tergeý ızolátoryndaǵy jaǵdaıy týraly aqparat shyqty

Qatysty tegter :

Pikir qaldyrý

Qatysty Maqalalar