Reseı qorǵanys mınıstrligi qurlyqaralyq balıstıkalyq "Sarmat" ıadrolyq zymyranynynń sátti ushyrylǵany týraly vıdeo kórsetti. Vıdeony VVS óz saıtyna jarıalady.
Áskerıler Reseı prezıdenti Vladımır Pýtınge teledıdardan zymyrannyń soltústik-batystaǵy Pleseskten ushyrylǵanyn jáne qıyr shyǵystaǵy Kamchatka túbegindegi nysanaǵa tıgenin aıtty.
– Jańa keshen eń joǵary taktıkalyq, tehnıkalyq sıpattamalarǵa ıe jáne zymyranǵa qarsy qorǵanystyń barlyq zamanaýı quraldaryn eńserýge qabiletti. Onyń álemde teńdesi joq, aldaǵy ýaqytta da (teńdesi) bolmaıdy. Bul biregeı qarý – shyn máninde bizdiń qarýly kúshterimizdiń jaýyngerlik áleýetin nyǵaıtady, Reseıdiń syrtqy qaterlerden qaýipsizdigin senimdi túrde qamtamasyz etedi jáne agressıvti rıtorıka qyzyp turǵan kezde, bizdiń elimizge qaýip tóndirýge tyrysatyndardy oılandyrady, – dedi Pýtın.
Sársenbide Pentagon (AQSH) Reseı synaqty iske qosý aldynda tıisti habar joldaǵanyn aıtty. Pentagon bul synaqty "Amerıka Qurama Shtattaryna qaýip tóndirmeıtin ádettegi synaq" dep sanaıtynyn jetkizdi.
AQSH Kongresi zertteý qyzmetiniń habarlaýynsha, Reseı árbir zymyranǵa 10 nemese odan da kóp oqtumsyq bar Sarmatty ornalastyrady dep kútilýde.
Zymyran birneshe jyldar boıy damytylyp keledi, sondyqtan onyń synaqtan ótýi batys úshin kútpegen jaǵdaı emes, degenmen bul jolǵy synaq Reseıdiń Ýkraınadaǵy soǵysyna baılanysty tótenshe geosaıası shıelenis sátinde boldy.
