"AMANAT" partıasynyń tóraǵasy Qasym-Jomart Toqaev osy jyldyń 26 sáýirinde kezekten tys XXIII sıezi shaqyrý týraly sheshim qabyldady. Bul týraly partıanyń atqarýshy hatshysy Asqat Oralov Facebook paraqshasynda málimdedi.
"Oǵan barlyq óńirlerden delegattar qatysady. Sıez onlaın formatta ótedi. Ortalyq apparat fılıaldarmen birlesip daıyndyq is-sharalaryn bastady. Sıez barysynda "ADAL" saıası partıasynyń "AMANAT" partıasyna qosylýy týraly másele qaralady dep josparlanýda" delingen Asqat Oralovtyń jazbasynda.
Buǵan deıin "Adal" partıasynyń Saıası keńesi "Amanat" partıasyna qosylý týraly biraýyzdan sheshim qabyldaǵan. Partıa málimdemesinde búgingideı aýmaly-tókpeli kezeń jyldam beıimdelýdi qajet etetini aıtylyp, "syrtqy saıasattaǵy qaýip-qaterdiń kezinde, keı máselelerge qatysty pikir qaıshylyǵyn qoıyp, "bir jaǵadan bas, bir jeńnen qol shyǵaryp", birge qadam jasaıtyn kezeń týdy" delingen.
"Adal" 2020 jylǵy qarashada ataýy ózgergen burynǵy "Birlik" partıasy. 2013 jyly tirkelgen. Eldegi resmı tirkelgen 6 partıanyń biri. Partıa músheleri "Rebrendıng" sebebin "ádildikti talap etýshiler kóbeıdi" dep túsindirgen. Partıa sońǵy parlament saılaýynda parlamentke ótýge múmkindik beretin tabaldyryq – 7 paıyz daýysty jınaı almaǵan.
Pikir qaldyrý