Elimizdiń kınoteatrlaryna entýzıaster túsirgen "Baýyr" fılmi shyqty. Krımınal drama janrynda túsirilgen kınokartına búdjetsiz túsirilgen.

Týyndy shynaıy oqıǵaǵa negizdelgen. Kartınada qıyndyqqa tap bolyp, odan shyǵý jolyn izdegen eki jigittiń oqıǵasy sýretteledi. Fılmniń jelisi boıynsha, krımınal álemge túsip, mańdaı termen emes, ońaı jolmen paıda tabýdy kásip etken jigit aqyry tutylyp, túrmege túsedi. Alaıda oǵan kishi baýyry kómektesip, aǵasyn kóleńkeli álemnen alyp shyǵady.

Fılm rejıseri ári ıdeıa avtory Shyńǵys Ábdibek tyrnaqaldy týyndysynyń "búdjetsiz" túsirilgenin aıtty.

– Bul kıno arqyly jastardyń qylmystyq jolǵa túsýiniń zardaby aýyr bolatynyn kórsetkimiz keldi. "Urlyq túbi – qorlyq" dep tegin aıtpaıdy. Sonymen birge, otbasy qundylyǵyn nasıhattaımyz. Baýyry úshin jan alysyp, jan berýge daıyn jigittiń erligi barshaǵa úlgi bolsyn dedik. Fılmdi jurt kórip, baǵasyn bere jatar... Al kıno óz kóńilimnen shyqty. Fılm "búdjetsiz" túsirildi, jigitter entýzıazmmen jumys istedi. Akterler quramyna, sondaı-aq bizdiń komandamyzǵa qoldaý kórsetken barlyq janǵa alǵysymdy bildiremin, –  dedi fılmniń rejıseri Shyńǵys Ábdibek.

Túsirilim jumystary Almaty qalasynda jáne Shý óńirinde ótken