Pavlodar oblysy boıynsha Sybaılas jemqorlyqqa qarsy qyzmeti Pavlodar oblysy polısıa departamentiniń eks-bastyǵy polısıa general-maıory Nurlan Másimovke qatysty asa iri mólsherde para aldy degen kúdikpen sotqa deıingi tergeýdi bastady.

"Osy fakti boıynsha onyń is-áreketi syrttaı saralanyp, tergeý soty "kúzetpen ustaý" túrindegi bultartpaý sharasymen sanksıalady. Qazirgi ýaqytta N.M. Másimovke izdeý jarıalandy, is boıynsha onyń ornalasqan jerin anyqtaý boıynsha qajetti jedel-izdestirý is-sharalary jáne istiń barlyq mán-jaılaryn anyqtaýǵa baǵyttalǵan basqa da tergeý is-áreketteri júrgizilýde. Tergeý nátıjeleri boıynsha tıisti is júrgizý sheshimi qabyldanatyn bolady" delingen Antıkor habarlamasynda.

Nurlan Másimov Ulttyq qaýipsizdik komıtetiniń burynǵy tóraǵasy Kárim Másimovtyń jaqyn týysy. Másimovtiń ózi memleketke opasyzdyq jasady degen, sondaı-aq taǵy 4 bap boıynsha kúdikke ilinip, tergelip jatyr.