Almaty qalasynyń prokýratýrasy búgin ustalǵan kásipker, Almaty qalasy máslıhatynyń depýtaty Qaırat Qudaıbergenge qandaı aıyp taǵylyp otyrǵanyn málim etti.

"Aldyn ala tergeýmen Q.Q. Qudaıbergen A.B. Jumageldıevpen ("Dıkıı Arman" dep atalatyn) birge "Qazaqstan" qonaq úıinde adamdar jınaýdy uıymdastyryp, Jumageldıevtiń aınalasyna birigýge, ony qoldaýǵa jáne bılikke biryńǵaı talaptar usynýǵa shaqyrǵany, sondaı-aq adamdardy 10 adamnan "uıashyqtar" boıynsha bólip jáne olardyń toptarynyń erekshelikteriniń belgisi retinde qoldaryna aq tańǵyshtardy tańýǵa nusqaý bergeni anyqtaldy.  

Sodan keıin Qudaıbergen men Jumageldıev jınaǵan top alańǵa shyǵyp, Jumageldıev tóńiregindegi mıtıńilerdi biriktirýge, alańda jedel shtab uıymdastyrýǵa jáne bılik aldynda biryńǵaı talaptar qoıýǵa tyrysqan.

Qudaıbergen-Jumageldıev uıymdastyrǵan bul zańǵa qarsy aksıa zorlyq-zombylyq pen túrli aýyrlyqtaǵy dene jaraqattaryn keltirýmen jappaı tóbeleske ulasty" delingen prokýratýra habarlamasynda.

Quzyrly organ Qudaıbergenniń jappaı tártipsizdikterdi uıymdastyrýy men qatysýy "Qazaqstan" qonaq úıinen, Jumageldıev tobynyń ustalǵan qatysýshylarynyń uıaly telefondarynan alynǵan beınejazbalar, kýágerlerdiń aıǵaqtary arqyly rastalǵanyn atap ótti.