Qarjylyq monıtorıń agenttigi Qaraǵandy oblysy boıynsha departament qarttar úıi turǵyndarynyń zeınetaqy tólemderi men járdemaqylaryn urlaý faktisi boıynsha qylmystyq isti tergep jatqanyn habarlady.
"Áleýmettik nysanda 90 adam qamqorlyqqa alynǵan, onyń 30-y – múgedek, 60-y – zeınetker. Osy qylmysty jasady degen kúdikpen Qazaqstan Respýblıkasy Qylmystyq kodeksiniń 190-baby 3-bóliginiń 3-tarmaǵy boıynsha Qaraǵandy oblysyndaǵy qarttar úıiniń meńgerýshisi jáne áleýmettik qyzmetkeri ustalyp, ýaqytsha ustaý ızolátoryna qamaldy" delingen aqparattyq habarlamada.
Qaraǵandy oblystyq soty qarttar úıiniń basshysyna qatysty 2 aı merzimge qamaýǵa alý túrindegi bultartpaý sharasyn sanksıalaǵan.
Pikir qaldyrý