Kıevke jasaǵan qupıa saparynan keıin AQSH memlekettik hatshysy Entonı Blınken Reseı urys maqsattarynda sátsizdikke ushyrap, Ýkraına jetistikke jetip jatqanyn aıtty. Bul týraly CBS News basylymy habarlady.

Blınken men AQSH Qorǵanys mınıstri Lloıd Ostınniń sapary Reseı Ýkraınaǵa shabýyl bastaǵannan bergi eń joǵary deńgeıdegi kezdesý boldy.

Olar Ýkraına prezıdenti Vladımır Zelenskııge jáne onyń keńesshilerine AQSH 300 mıllıon dollardan astam kólemde áskerı kómek, 165 mıllıon dollarǵa oq-dári beretinin maquldady.

Blınken sonymen qatar Amerıka Ýkraına úkimetine turaqty qoldaý kórsetetinin málimdedi. Onyń aıtýynsha, Ýkraına prezıdenti Vladımır Zelenskıı sheneýniktermen kezdesýinde AQSH prezıdenti Djo Baıdenniń basshylyǵyna jáne Vashıngtonnyń Ýkraınaǵa degen jomarttyǵyna rızashylyǵyn bildirgen.

Blınkenniń sózinshe, Reseı Ýkraınanyń keıbir bólikterin qatygezdikpen bombalaýdy jalǵastyrýǵa tyrysady. Ol sondaı-aq Máskeý urystardaǵy barlyq maqsattarynda sátsizdikke ushyrap jatqanyn, al Ýkraına jeńiske jetip jatqanyn aıtady. 

Blınken "Bul soǵystyń qalǵan bóligi qalaı órbıtinin bilmeımiz, biraq egemendi, táýelsiz Ýkraına Pýtın bılikte otyrǵannan áldeqaıda uzaǵyraq ómir súretinin bilemiz. Bizdiń Ýkraınaǵa qoldaýymyz jalǵasady jáne túpkilikti tabysqa jetkenshe jalǵasady " dedi.