Bas Prokýratýranyń 1 qyzmet bastyǵynyń orynbasary Eldos Qılymjanov Ortalyq komýnıkasıalar qyzmetinde ótken brıfıńte qańtar oqıǵalaryna baılanysty qylmystyq isterdiń tergelý barysy týraly baıandady.
Onyń aıtýynsha, árbir óńirde tergeý toptarymen tergeý áreketteri júrgizilip, olardyń aıaqtalýyna qaraı qylmystyq ister sotqa joldanyp jatyr.
– Búgingi tergeý organdarynyń is júrgizýinde atalǵan sanatta 5 041 qylmystyq is bar. Olardyń ishinde jappaı tártipsizdikter boıynsha 49 is, terorızm aktilerimen – 45. Shymkent qalasynyń prokýratýrasymen qıratýlar, múlikterdi joıý jáne avtokólikterdi órtegeni úshin, ıaǵnı jappaı tártipsizdikterge qatysqany boıynsha 8 kúdikti sotqa berildi. Beınejazbada jappaı tártipsizdikterdiń kórinisi kórsetilgen. Qyzylorda oblysynda osy tektes aıyppen 7 adamǵa qatysty ister kináni moıyndaý týraly prosestik kelisim jasaý arqyly sotqa jiberildi, – dedi ol.
Onyń aıtýynsha, mundaı ister boıynsha kúdikti aıyptaýǵa, dáleldemelerge, keltirilgen zalalmen daýlaspaǵan kezde jáne jazanyń túri men mólsherimen kelisken jaǵdaıda onymen kináni moıyndaý týraly kelisim jasalady. İs sotta 10 táýlikten aspaıtyn merzimde qaralyp, jazanyń mólsheri osy baptyń sanksıasyndaǵy eń joǵary merzimniń jartysynan aspaıdy.
Pikir qaldyrý