– Maǵan resmı túrde "isti qaıta qaramaımyz" degen jaýap keldi. "Sýısıd jasaǵan, basqa deýge negiz joq, is sol kezde durys tergelgen" dep jaýap berdi, – deıdi Qaırat Nurqadilov bas prokýratýra jaýabyn keltirip.

Endi ol jýrnalıser arqyly qoǵamnan kómek suraıtinin jetkizdi.

Buǵan deıin Qaırat Nurqadilov ákesiniń qazasyn qaıtadan tergeý máselesin kóterip, bas prokýratýraǵa aryz jazǵanyn málim etken. Ol ákesiniń ólimine qatysty resmı nusqamen esh kelispeıtinin, onyń kisi qolynan qaza tapqanyna senimdi ekenin aıtqan.

– Ákem qaıtys bolǵanda polısıa departamenti is qozǵap, meni jábirlenýshi retinde qatystyrdy. Departamentke shaqyryp, qylmystyq is aıaqtalǵan soń tergeý qorytyndysyna óziń qol qoıasyń dedi. Men ákemdi óltirgenin bildim. Departamentten shyqqanymda palto kıgen eki jigit kútip aldy. Olardyń jáı adam emes ekenin, organda isteıtinin túsindim. Keldi de "Qaırat, ózin-ózi óltirdi degenge kelisesiń" dedi. Kelispeımin desem, olar "seni óltirý as úıde ushyp júrgen shybyndy óltirýden de ońaı, sen bizge problema emessiń" dep aıtty, – dep ákesiniń artynan júgiretin adam qalsyn degen nıetpen, ekinshi jaǵynan bala-shaǵasyn oılap amalsyz keliskenin jetkizgen.