Ýkraına syrtqy ister mınıstri Dmıtrıı Kýleba Reseı Batysty Úshinshi dúnıejúzilik soǵys qaýpimen qorqytýǵa tyrysyp otyrǵanyn aıtty.
"Reseı Ýkraınadaǵy jeńilisin sezip otyr, sondyqtan Batysty úshinshi dúnıejúzilik soǵystyń bastalý qaýpi týraly eskertý arqyly Kıevti qoldaýdan qorqytýǵa tyrysyp jatyr" dep jazdy ol Twitter-de.
Onyń sózinshe, Reseı álemdi Ýkraınaǵa qoldaý kórsetýden bas tartqyzatyn sońǵy úmitin joǵaltqan. Osylaısha, Úshinshi dúnıejúzilik soǵystyń "naǵyz" qaýpi týraly áńgime aıtyp jatyr.
"Eýropalyq jáne jahandyq qaýipsizdikti saqtaý úshin álem Ýkraınany qoldaýdy eseleýi kerek, biz jeńýimiz kerek" deıdi ol.
Buǵan deıin Reseı Syrtqy ister mınıstri Sergeı Lavrov Batystyń Ýkraınaǵa qarý-jaraq jóneltýi "NATO-nyń shyn máninde Reseımen soǵysyp jatqanyn" bildiretinin aıtqan. Lavrov qaqtyǵystyń órshýi qaýpi úlken ekenin málimdegen.
Pikir qaldyrý