"Amanat" partıasynyń kezekten tys XXIII sezi ótip jatyr.
Onyń barysynda prezıdent Q.Toqaev "Amanat" partıasynyń tóraǵasy ókiletin toqtatyp, partıa qatarynan shyǵatynyn málim etti. Ornyna májilis spıkeri Erlan Qoshanovty usynyp, onyń kandıdatýrasy maquldandy.
Q.Toqaev bıylǵy joldaýynda prezıdent eshqandaı partıa múshesi bolmaýǵa tıis ekenin aıtqan bolatyn.
Sondaı-aq sıez barysynda "Adal" partıasy "Amanat" partıasynyń qataryna qosylyp, "Amanat" partıasynyń saıası keńesi eks-adaldyqtar Eldar Jumaǵazıev, Maqsat Tolyqbaı jáne Dáýlet Muqaevpen tolyqty.
"Adal" 2020 jylǵy qarashada ataýy ózgergen burynǵy "Birlik" partıasy. 2013 jyly tirkelgen. Eldegi resmı tirkelgen 6 partıanyń biri. Partıa músheleri "Rebrendıng" sebebin "ádildikti talap etýshiler kóbeıdi" dep túsindirgen. Partıa sońǵy parlament saılaýynda parlamentke ótýge múmkindik beretin tabaldyryq – 7 paıyz daýysty jınaı almaǵan.
Pikir qaldyrý