♦BUU men Qyzyl Kres Marıýpoldegi bolat zaýytynan azamattardyń evakýasıasyn qadaǵalaýǵa úmitti. Buǵan deıin ol jerden 100-den astam adam qutqarylǵan. Zaýyttyń ýkraın qorǵaýshylary Reseı áskeri nysandy atqylaý úshin ushaqtar, tankter jáne áskerı keme zymyrandaryn paıdalanyp jatqanyn málim etti.
♦Ýkraına prezıdenti Vladımır Zelenskıı Reseı syrtqy ister mınıstrin "evreı halqyn aıyptady" dep synady.
♦Zelenskıı dúısenbi kúni Odessada reseılik áskerılerdiń zymyrandyq soqqysy kezinde 14 jasar jasóspirim qaza tapqanyn aıtty.
♦Reseıdiń energıa kózderine táýeldilikten qanshalyqty tez arylýǵa bolatyny jóninde EO elderiniń pikirleri ekige jaryldy.
♦Ulybrıtanıa premer-mınıstri Borıs Djonson seısenbi kúni parlamentine vırtýaldy úndeýinde Ýkraınanyń Reseı basqynshylyǵyna qarsy jańa kezeńge ótkenin jetkizdi. Djonson muny Ýkraınanyń otan qorǵaýdaǵy "eń keremet saǵattary" dep sıpattaıdy. Ol sondaı-aq Ulybrıtanıadan Ýkraınaǵa taǵy da 300 mıllıon fýnt sterlıń kólemindegi áskerı qoldaý týraly málimdedi. Áskerı qoldaýda elektrondyq soǵys tehnıkalary da bar ekeni aıtyldy.
Pikir qaldyrý