Qazaqtyń bir top jas ǵalymy QazGylym degen ataýmen qazaqsha ǵylym jobasyn júzege asyrmaq. Jobanyń basy-qasynda júrgender bıologıany qazaqshalaýdy, óz bilimin bólisýdi maqsat tutady, óńirlerdegi ýnıversıtetterge kómektesýdi qalaıdy.
Jobanyń aýdıtorıasy muǵalimder men stýdentter.
"Belgilengen taqyryptar tereń bolýy kerek dep ortaq prınsıpke eleń ettik. Qaısibir pánge sol salada jumys isteıtin, oqıtyn jáne kem degende doktorlyq istep jatqan ne bitirgen bir ǵalym qosyldy" deıdi joba uıymdastyrýshylarynyń biri, bıolog, jas ǵalym Sultan Musaǵan.
Jobaǵa shetelde bilim alǵan ıa alyp jatqan tómendegideı ǵalymdar tartylmaq:
1. Taǵam hımıasy – Gúljan Hamıtova (Ph.D., Italy, University of Camerino)
2. Aqýyzdar bıologıasy – Dalmıra Merjakýpova (Ph.D. candidate, Germany, Institue of Molecular Biology GmbH)
3. Dene Damý bıologıasy – Samal Tájibaeva (Ph.D. Candidate, Japan, National Institue of Genetics)
4. Immýnologıa - Aqmaral Raqymjanova (Ph.D. candidate, Israel, Technion Israel Institute of Technology)
5. Nanomedısına jáne Dári tasymaldaý - Balnur Jaısanbaeva (Ph.D. candidate, Kazakhstan, Nazarbayev University)
6. Psıhologıa - Erden Nýrtaev (Ph.D., Kazakhstan)
7. Bıohımıa - Sultan Musahan (Ph.D. candidate, Canada, Brock University)
"Osy jeti pán arasynda bizde jeti túrli sıllabýs shyǵarylǵan. Aqýyzdar bıologıasynan basqasy qazaq tilinde bolmaq. Sıllabýstar aǵylshyn standartty kitaptarynan jasalyndy. Barlyq leksıalar qyrkúıektiń basyna deıin júkteledi, ıaǵnı semestrdiń bastalýyna deıin.
Kelesi aptadan bastap biz vıdeo-leksıalardy ıýtýb kanalymyzǵa shyǵaramyz. Taǵy da aıtar keter zat, sıntetıkalyq bıologıadan NU Kazakhstan IGEM team komandasynan kútip otyrmyz.
Osy sátti ustana turyp, qoldaý kórsetken ýnıversıtet jetekshilerine rahmet aıtqymyz kelip edi. Lázzat Sarsenova, Damel Mektepbayeva, Zhanar Temirbekova, jáne Aizhan Maratkyzy, Sizderdiń qoldaýyńyzben osy jobanyń kerek ekenine kóz jetti!" dep jazdy Sultan Musaǵan facebook paraqshasynda.
Pikir qaldyrý