Sınoptıkter aldaǵy kúnderi elde turaqsyz aýa raıy bolatynyn aıtyp otyr.

Qazgidromet málimetinshe, eldiń soltústik aımaqtaryna kóktemgi aýa raıy áli kelmeıdi.

"Bul, ońtústik aımaqtarǵa Ózbekstannyń aýdandarynan keletin jyly aýa massalary men soltústik aımaqtaryna shabýyl jasaıtyn sýyq aýa massalaryna baılanysty. Solaısha, soltústik-batys antısıklony túngi temperatýranyń tómendeýine ákeledi. Al osy eki aýa aǵynynyń soqtyǵysýy aıasynda, batys óńirlerde jańbyr (keı jerlerde qatty), naızaǵaı, burshaq jáne ekpindi jel kútiledi" delingen Qazgıdromet aqparatynda.

Sondaı-aq sınıoptıkter 5 mamyrǵa deıin soltústik-batys, soltústik, ortalyq aımaqtarda kún túngi ýaqytta 6 gradýsqa deıin sýytatynyn, ońtústikte jańbyr, naızaǵaı, burshaq, daýyl kútilip otyrǵanyn habarlaǵan.

"Jalpy, respýblıkanyń basym bóliginde mamyr aıynyń basynda aýa temperatýrasynyń aıtarlyqtaı tómendeýine qaramastan, onyń birtindep kóterilýi kútilýde: aptanyń sońyna qaraı kúndizgi aýa temperatýrasy 13-25 jylýdy quraıdy jáne eldiń ońtústiginde, ońtústik-shyǵysynda temperatýranyń aıtarlyqtaı aýytqýy kútilmeıdi" deıdi aýa raıyn boljaıtyn mamandar.