Áleýmettik jelide saparatıstik sózder jazǵan Oral qalasy turǵynynyń ústinen qylmystyq is qozǵaldy, dep jazady "Ýralskaıa nedelá" basylymy.

"Polısıa áleýmettik jelidegi Oral, Petropavl, Pavlodar qalalaryn Reseıge berý kerek degen jazbanyń avtory Maksım Iakovchenkony qamaýǵa aldy. Oǵan qatysty "Ultarazdyqty qozdyrý" baby boıynsha sotqa deıingi tergeý bastaldy. Atalǵan baptaǵy eń qatań jaza 7 jylǵa deıin bas bostandyǵynan aıyrýdy kózdeıdi" delingen aqparatty.

Maksım Iakovchenko buǵan deıin "Oral, Petropavl, Pavlodar men taǵy basqasyn Reseıge berý kerek. Óıtkeni myna jerlerdi tek búldirip jatyr. Bóten jerdiń adamdary bılikke kelip, bárin qýyp jatyr. Maımyldar kóship-qonyp, barlyq jerdi bylǵap ábden úırenip qalǵan" dep jazǵan.

Jýrnalıs Lýkpan Ahmedárov daýly jazba avtorymen tildeskeninde ol ózin agresıvti túrde ustap, tipti jýrnalısi "birge-bir shyǵýǵa" shaqyrǵan.

Artynsha Ahmedárov polısıaǵa habarlasyp, separatıstik jazba avtoryna qatysty tergeý bastalǵan.

Uzamaı áleýmettik jelide Maksım Iakovchenkoniń emosıaǵa erik bergenin, istegen isine ókinetinin aıtqan vıdeo shyqqan.