Ýkraınanyń shyǵysynda bolyp jatqan urys qımyldary týraly sońǵy aqparattardy usynyp otyrmyz.
♦ Izúm qalasyndaǵy shaıqastan qulaǵan ǵımarattyń qırandylarynan 44 beıbit turǵynnyń máıiti tabyldy. Bes qabatty ǵımarat naýryz aıynda qulaǵan, turǵyndar reseı kúshteri atqylaǵan kezde jertólege jasyrynǵan. Qutqarýshylar ǵımaratqa endi ǵana jetti.
Harkovtiń ońtústik-shyǵysynda ornalasqan Izúm Donbasstyń qaqpasy retinde sanalady. Onyń aınalasy ormandar men ózendermen qorshalǵan, bul – ony tabıǵı bekiniske aınaldyrady.
♦ Marıýpol úshin shaıqas Azovstal metalýrgıalyq zaýytynda ótip jatyr. Onda júzdegen ýkraın jaýyngeri jerasty týnelderi men býnkerlerde jan alysyp, jan berýde. Reseı áskeri olardy qorshaýǵa alǵan.
Marıýpoldi basyp alý Máskeýdiń negizgi maqsaty, óıtkeni bul – Ýkraınanyń eń úlken porttarynyń birin baqylaýǵa jáne keń aımaqqa ońaı qol jetkizýge múmkindik beredi.
♦ Odessa portynda túnde zymyran birneshe ǵımaratqa tıip, jaqyn mańdaǵy úılerdi teńseltti. Bir adam qaza taýyp, bes adam jaralanǵan.
Derekkóz: BBC
Pikir qaldyrý