2022 jylǵy 18 mamyrdan turǵyn-úı alýǵa arnalǵan "Almaty Jastary" jeńildikpen nesıelendirý baǵdarlamasy sheńberinde ótinishter men qujattardy qabyldaý bastalady.
Baǵdarlamaǵa qatysý úshin ótinish www.almaty-zhastary.kz saıty arqyly qabyldanady. Saıtta avtorızasıalaý elektrondyq sıfrlik qoltańba (ESQ) arqyly júrgiziledi, ony HQKO-dan alýǵa bolady.
Baǵdarlama sheńberinde nesıe berýdiń sharttary:
- Qaryzdyń eń joǵary somasy – 18 mln teńgege deıin;
- Paıyzdyq mólsherleme – 5%;
- Bastapqy jarna – 10%;
- Bastapqy jáne qaıtalama turǵyn úı alý múmkindigi;
- Qamtý – 1000 adam.
- Qaryz merzimi – 25 jylǵa deıin
Qatysý úshin negizgi talaptar:
- Qatysýshynyń jasy 35 jasqa deıin (qosa alǵanda), bolýy kerek. Bu jerde jubaıynyń (zaıybynyń) jasy mańyzdy emes. Baǵdarlamaǵa negizgi qatysýshy retinde tek erli-zaıyptylardyń bireýi ǵana qatysa alady;
- Úmitker men onyń otbasy múshelerinde turǵyn úı bolmaýy kerek.
- Qatysýshynyń Almaty qalasynda belgilengen sanattar boıynsha kem degende 6 aı mindetti zeınetaqy mólsherlemesi jáne resmı jumys ótili bolýy kerek. Belgilengen sanattar qatarynda densaýlyq saqtaý, bilim berý, mádenıet, sport, JOO-lar jáne ǴZI, jýrnalısıka, áleýmettik sala jáne quqyq qorǵaý organdary salalary bar.
