Konstıtýsıaǵa túzetýler engizý boıynsha respýblıkalyq referendýmdy túsindirý maqsatymen májilis depýtattary Meırambek Tólepbergen, Nazılá  Razzak jáne Gúldara Nurymova Jambyl oblysy, Jambyl aýdany, Aısha bıbi aýylynyń zıaly qaýym ókilderimen kezdesti.

Jıynda halyq qalaýlylary Konstıtýsıalyq reforma azamattardyń eldi basqarý isine qatysý múmkindigin arttyratynyna jáne aldaǵy ýaqytta áleýmettik ádilettiliktiń ornaýyna jol ashatynyn aıtyp, aldaǵy naýqannan qalys qalmaýǵa shaqyrdy.

– Referendým – qoǵam arasynda qyzý talqylanyp, qoldaý taýyp otyr. Konstıtýsıany búkilhalyqtyq daýys berý arqyly ózgertý – halyqtyń erkin bildirýiniń aıqyn kórinisi. Ózgeris az emes. Sonyń biri – Parlamenttiń róli kúsheıip, mártebesi artady. Májilisti qalyptastyrýdyń aralas modeli enedi, Parlamenttiń baqylaý fýnksıalary da keńeıedi. Iaǵnı, azamattardyń múddesin qorǵaý mehanızmi kúsheıedi, – dedi Meırambek Tólepbergen.

Óz kezeginde Gúldara Nurymova referendým bolashaǵymyzdy aıqyndaıtyn izgi bastama ekenin alǵa tartyp, elimiz saıası ózgeristerdiń aldynda turǵanyn atap ótti.

Al Nazılá Razzak aldaǵy aýqymdy reformalardy zańmen bekitý úshin bizge referendým qajet ekenin aıtty.

– Bul el damýy úshin mańyzdy qadam. «Halyq únine qulaq asatyn memleket» ıdeıasynyń naqty júzege asýynyń dáleli. Biz daýys berýshiler retinde osy naýqanǵa atsalysamyz. Bolashaq – jastardyń qolynda. Barlyq bastama solar úshin qolǵa alynyp jatyr. Sondyqtan bul is-sharanyń ortasynan áýeli jastardyń tabylýyna jol silteýimiz kerek, – dedi Aısha bıbi aýyldyq ardagerler keńesiniń tóraǵasy Jarqyn Qalybaev.

Jınalǵandardyń pikirinshe, bul referendým  ádiletti, ári ashyq memleket qurýdyń bastamasy.

Materıal AMANAT partıasynyń Jambyl oblystyq fılıalynyń aqparaty boıynsha ázirlendi