1 mamyr – 130-dan astam ultty "shańyraqtyń biryńǵaı kúmbezimen" biriktirgen, biregeı Qazaqstan Respýblıkasynyń aýmaǵynda ondaǵan jyldar boıy dostyq pen ózara túsinistikte ómir súrip kele jatqan halyqtyń kelisimi, tatýlyǵy jáne toptasý kúni. Shyǵys Qazaqstanda Qazaqstan halqynyń birligi kúnine arnalǵan merekelik is-sharalar ótýde.
Prezıdent Qasym-Jomart Toqaev bul merekeni Ult birliginiń jarqyn sımvoly dep atady. Memleket basshysy otandastaryna quttyqtaý sózinde halyqtyń sanasynda tereń tamyr jaıǵan dostyq pen ózara túsinistik dástúrleri eldegi úılesimdiliktiń, beıbitshilik pen kelisimniń negizine aınalǵanyn atap ótti. Prezıdenttiń pikirinshe, berekeli qazaq jerinde tarıhı qalyptasqan mádenıetterdiń san alýandyǵy – bizdiń biregeıligimizdiń ajyramas bóligi.
Jańa Qazaqstannyń ıdeıasy qoǵamdy toptastyrýdyń qýatty faktory dep prezıdent Qasym-Jomart Toqaev erekshe atap ótti. Memleket basshysy Qazaqstan halqynyń birligi kúnine oraı quttyqtaýynda jasampaz qýatqa súıene otyryp, árqaısymyz elimizdiń jan-jaqty jańarýyna óz úlesimizdi qosýymyz kerektigin atap ótti. Ortaq murattar men qundylyqtarǵa súıený bizge barlyq qıyndyqtar men jahandyq syn-qaterlerdi senimdi jeńýge kómektesedi, dep esepteıdi Toqaev.
Dástúrli túrde bul kúni Shyǵys Qazaqstannyń qalalary men aýdandarynda ulttyq sport túrlerinen saıys ótip, án aıtylyp, konkýrstar men jarystar, qolónershiler buıymdarynyń kórmeleri, jármeńkeler jáne basqa da is-sharalar uıymdastyryldy.
Saltanatty shara aıasynda oblys ortalyǵynda, Óskemenniń bas alańynda óńirdiń shyǵarmashylyq ujymdarynyń qatysýymen konsert ótti. Shara aıasynda oblys ákimi Danıal Ahmetov jerlesterin quttyqtap, eldegi beıbitshilik pen kelisimdi nyǵaıtýdyń mańyzdylyǵyn atap ótti.
"Búginde elimiz prezıdent Qasym-Jomart Toqaevtyń basshylyǵymen aldyna bıik maqsattar qoıyp, jańa Qazaqstandy qurýǵa kiristi. Munyń bári jasampaz eńbektiń jemisi, kóp ultty halqymyzdyń tatýlyqtyń jeńisi" dedi óńir basshysy.
Sonymen qatar shyǵysqazaqstandyqtarǵa densaýlyq, tabys pen baq-bereke tiledi.
SHQO Aqparat ortalyǵy
