QR prezıdenti Qasym-jomart Toqaevtyń jarlyǵymen 5 maýsym kúni elimizdiń konstıtýtsıasyna ózgeris engizý boıynsha respýblıkalyq referendým ótedi. SHQO ÓKQ alańynda konstıtýsıalyq reformalardy túsindirý, uıymdastyrý jumysyna qatysý máseleleri oblystyq shtab qurylyp, maqsatmindetterin baspasóz kónferensıasynda Shyǵys Qazaqstan oblystyq shtabtyń músheleri Oleg Chernyshov pen Eleonora Stolárova túsindirip ótti.
Prezıdenttiń 2022 jylǵy 5 mamyrdaǵy Jarlyǵymen elimizdiń Ata zańyna túzetýler toptamasy referendým sheńberinde búkilhalyqtyq daýys berýge shyǵarylady. Bul túzetýler saıası júıeni qaıta qurý úshin kópten kútken sharalardy qamtyp, qoǵamnyń memleketpen ózara is-qımyly formattaryn jańartýǵa degen suranysyn kórsetpek. Saıası júıeni túbirimen ózgertip, memlekettik basqarý isine atsalysý úshin azamattarǵa keń múmkindikter berý - Prezıdenttiń bıylǵy Joldaýynda aıtylǵan bastamalardyń negizgi maqsaty osy.
Demokratıalandyrý úderisin tıimdi júrgizý úshin árıne aldymen Ata zańǵa ózgerister engizý qajet. Osy rette Prezıdenttiń tapsyrmasymen quramyna belgili zańgerler, saıasattanýshylar men sarapshylar engen arnaıy jumys toby qurylyp, konstıtýsıalyq ózgeristerdiń jobasy ázirlendi. SHQO-da Konstıtýsıalyq reformalardy túsindirý, uıymdastyrý qoǵamdyq toby qurylyp, quramyna úkimettik emes uıymdardyń ókilderi, ǵalymdar, blogerler men jýrnalıser, jastar men ardagerler qaýymdastyǵy, etnomádenı ortalyqtardyń jetekshileri kirdi. Shtabtyń jumysy jaıly Oleg Chernyshov óz oıyn bylaısha sabaqtady.
– Biz – Qazaqstannyń azamattyq qoǵamynyń belsendi ókilderi, referendýmdy qoǵamdyq qoldaýdyń oblystyq shtabyna toptastyq. Bizdiń qatarymyz elimizdiń iri úkimettik emes uıymdary ókilderin, ǵalymdardy, blogerler men jýrnalıserdi, jastar men ardagerler qaýymdastyǵyn, etnomádenı ortalyqtardyń jetekshilerin biriktiredi. Shtabymyz quryldy, sebebi biz usynylǵan konstıtýsıalyq ózgeristerdiń baǵyttaryn tolyq qoldaımyz. Sondaı-aq, Qazaqstannyń árbir azamaty Konstıtýsıaǵa ózgerister engizý qajettigi týraly óz pikirin bildirýge quqyly ekenine nyq senimdimiz. Sondyqtan da biz memleket basshysynyń Konstıtýsıaǵa usynylatyn túzetýlerdi referendým sheńberinde búkilhalyqtyq daýys berýge shyǵarý týraly sheshimin qoldaımyz, – dedi Shyǵys Qazaqstan oblystyq shtabtyń múshesi Oleg myrza.
Sonymen qatar shtab músheleri barsha qazaqstandyqtardy belsendi azamattyq ustanym tanytyp, respýblıkalyq referendýmda daýys berýge, qatysýǵa shaqyrdy.
