Reseı Ýkraınanyń astanasy Kıev mańyndaǵy kúshterin keri qaıtarǵannan keıin áskeriniń basym bóligin Ýkraınanyń shyǵysyna aýdardy.
Ýkraınanyń Donbass dep atalatyn eski ónerkásip ortalyǵy úshin shaıqas Reseı basqynshylyǵynyń taǵdyryn sheshýi múmkin.
Donbassta negizinen orystildi azamatar turady. Reseı ózine-ózi táýelsizdik jarıalaǵan Lýgansk jáne Donesk halyq respýblıkalarynyń otany bolǵan aımaqty "azat etý" týraly birneshe ret aıtqan.
Aımaqty basyp alý Máskeýge ońtústik jaǵalaýdy boılaı Reseı shekarasyna deıin qurlyqtaǵy kópir ashýǵa jáne 2014 jyly ózi aneksıalap alǵan Qyrym túbegine sý berýdi baqylaýǵa múmkindik beredi.
Reseı kúshteri aımaqtaǵy Ýkraına áskerlerin qorshaýǵa tyrysty. Kıevtiń shaıqasta shyńdalǵan ári tájirıbeli 40 myńǵa jýyq sarbazy Donbassta ornalasqan. Olar jeńilip qalsa, Ýkraına prezıdenti Vladımır Zelenskııdiń soǵys áreketine aıtarlyqtaı soqqy bolady.
Biraq sońǵy kúnderi áskerı sarapshylar orys áskerleri Harkov qalasynan Reseı shekarasyna qaraı sheginip, kúsh-jigeri álsiregenin aıtady.
Derekkóz: VVS
Pikir qaldyrý