D.A.Qonaev atyndaǵy Eýrazıalyq zań akademıasynda Qazaqstan halqy assambleıasynyń músheleri Georgıı Konstantınovıch, Nýrıa Nıazova, Rasýl Ahmetov jáne osy joǵary oqý ornynyń ustazdary men stýdentteri, qoǵam belsendileri bas qosty.

Jıynǵa qatysýshylar Memleket basshysy Qasym-Jomart Toqaevtyń bastamasymen júzege asyp jatqan Jańa Qazaqstannyń berik quqyqtyq irgesin qalaýǵa baǵyttalǵan Konstıtýsıaǵa ózgerister men tolyqtyrýlardy engizýdi kózdeıtin jalpyhalyqtyq referendýmnyń mańyzdylyǵy men ózektiligin atap ótti.

Referendýmnyń mańyzy, qajettiligi jóninde Qazaqstan halqy assambleıasynyń múshesi, grek etno-mádenıetiniń Almaty qalasyndaǵy jetekshisi Georgıı Konstantınovıch málimdedi.

– Biz osyndaı formatta kezdesip, jastarmen júzdesip otyrǵanymyzǵa qýanyshtymyz. Konstıtýsıa eń mańyzdy qujat. Bizdiń qoldanystaǵy Ata-Zańymyz 1995 jyly qabyldandy, sodan beri qanshama ózgerister men tolyqtyrýlar engizildi. Biraq olarda búkilhalyqtyq múdde qamtylmaǵan edi. Mine, bıylǵy referendým sol oqylyqtardyń ornyn toltyryp, Konstıtýsıamyzda halyqtyń múddesi eskerilmek. Prezıdentimizdiń «halyq bolyp aqyldasaıyq, birge otyryp birlese shesheıik, ózgerister engizeıik» degen bastamasy quptarlyq. Quqyqtyq damyǵan elde ǵumyr keshýdi bárimiz qalaımyz. Sondyqtan, ortaq iske jumylaıyq, bir kisideı atsalysaıyq, – dedi spıker.

Referendýmnyń qoǵam ómirine úlken ózgerister ákeleri anyq. Bul jóninde jıynǵa qatysýshylar arasynda qyzý pikirtalas órbidi, jastar osynaý jalpyhalyqtyq sharanyń mańyzdylyǵyn atap ótip, referendýmdy qoǵamdy demokratıalyq ilgerileýge baǵyttaıtynyna senimdi

– Bul ómirdiń zańdylyǵy. Ásirese memleketimizdi damytýshy kúsh – jastar. Sondyqtan, biz elde bolyp jatqan ózgeristerden shet qalmaýymyz kerek. Bul patrıotızmniń úlken belgisi dep bilemiz. Barshamyz 5 maýsymdaǵy referendýmǵa qatysyp, tańlaýymyzdy jasaımyz, – dedi QHA múshesi Nýrıa Nıazova.