Pandemıa jyldary eldegi týý kórsetkishi aıtarlyqtaı joǵarylady. 2020 jyly el boıynsha 426,8 myń sábı dúnıege kelse, 2021 jyly 446,5 myń náreste týǵan. Bul týraly Energyprom.kz. saıty habarlap otyr.
2021 jyly týý koeffısenti (23,5) rekordtyq kórsetkishke jetip, 10 myń qazaqstandyqqa 235 sábıden kelgen. Jıyrma jyl buryn 10 myń turǵynǵa 149 baladan aınalatyn.
Ortasha eseppen elde bir áıelge 3 baladan keledi. Bul jaǵdaı tek sońǵy eki jylda tirkelip otyr. Aıtalyq 1999 jyly ortasha eseppen ekinshi balanyń ózi ár otbasyda bola bermeıtin.
Nárestelerdiń 28 paıyzy kópbalaly otbasylarda dúnıege kelgen. 95 bala on jáne odan da kóp balasy bar otbasyda týǵan.
2021 jylǵy 1 mamyrdaǵy jaǵdaı boıynsha Qazaqstan halqynyń sany – 18 mıllıon 962 myń 892 adamǵa jetken. Aımaqtar arasynda halyq sany jóninen birinshi orynda Almaty oblysy tur. Munda 2 mıllıon 86 myń 387 adam tirkelgen. Ekinshi oryndaǵy Túrkistan oblysynda 2 mıllıon 52 myń 484 adam, úshinshi satydaǵy Almatyda 1 mıllıon 993 myń 67 adam bar. 4-orynda Qaraǵandy oblysy (1 mln 376 myń 101), 5-orynda SHQO (1 mln 362 myń 583) tur.
Pikir qaldyrý