Reseı soty opozısıalyq saıasatker Alekseı Navalnyıdyń jaza merzimin qatań rejımdegi túzeý kolonıasyna aýystyrý sheshimine túsirgen opelásıalyq shaǵymyn qanaǵattandyrǵan joq. Bul týraly BBC habarlady.

Reseı soty Pýtınniń basty oponentin "alaıaqtyq jasady" jáne "sotqa qurmetsizdik kórsetti" degen aıyppen 9 jylǵa bas bostandyǵynan aırylǵan. Jaqyn arada ony qatań rejımdegi kolonıaǵa aýystyratyn bolady. Búginge deıin Navalnyı jalpy rejımdegi kolonıada bolǵan. 

Navalnyıdyń ózi sotqa vıdeo arqyly onlaın rejımde qatysty. Oppozısıoner jaqtastary vıdeobaılanys sapasy óte nashar bolǵanyn aıtady.

"Men qazir jalpy rejımdegi kolonıadamyn. Úsh aıdyń ishinde bir-aq ret jaqyndarymmen kezdesýge múmkindigim bar. Eger sot úkimi ózgerissiz qalsa, meni qatań rejımdegi kolonıaǵa aýystyrady. Al ol jaqta qandaı sharttar bolatynyn eshkim bilmeıdi. Negizi, men SIZO-da otyrýym kerek. Biraq men jalpy rejımdegi kolonıadamyn. Meniń jaqyndarymmen kezdesýge quqyǵym bar. Qatań rejımdegi kolonıada kezdesý sany múldem az bolatyny belgili", dedi oppozısıoner sot otyrysynda.  

22 naýryzda Máskeýdiń Lefortovo soty Navalnyıdy toǵyz jylǵa bas bostandyǵynan aıyryp, jazasyn qatań rejımdegi kolonıada óteýge jáne 1,2 mıllıon rúbl aıyppul tóleý týraly úkim shyǵarǵan.

Quqyqqorǵaýshylar opozısıalyq saıasatkerge taǵylǵan aıyptyń saıası astary bar dep sanaıdy.