21 mamyrda Shymkentte fýtbol oıyny kezinde qatty soqqan jelden stadıon shatyry ushyp baryp stadıon ishine qulaǵan. Uzamaı áleýmettik jelide shymkenttik jankúıerdiń úıindi arasynan Qazaqstan týyn alyp shyqqan vıdeosy taraǵan. Búginde vıdeonyń áleýmettik jelidegi qaralymy 2 mıllıonnan asyp, kópshilik beımálim jankúıerdiń kim ekenin bilgisi kelgen.

Vıdeodaǵy jigittiń aty-jóni Nurken Namaz ekeni anyqtaldy. Mach kezinde stadıonda myńǵa jýyq jankúıer bolǵan. Bir top shatyr qırandysynyń astynan Qazaqstan týyn baıqaǵan. Órt sóndirýshi bolyp jumys isteıtin Nurken Namaz shatyr qaldyqtary ózin basyp qalý qaýpine qaramastan úıindi astynan Qazaqstan týyn alyp shyǵady. Ol mundaı qadamǵa kez kelgen qazaqstandyq oılanbastan barýy kerek der sanaıdy. 

– Jel ushyryp shatyr myna jerge kelip qulady. Myna jyrtyqtar sodan qalǵan. Týdy kórgen soń alyp shyǵý kerek boldy. Tý bizdiń qasterlegen eń mańyzdy dúnıelerimizdiń biri. Bizdi osy arqyly tanıdy. Biz osyny kórip óstik. Tý árdaıym joǵary turýy kerek, – deıdi Nurken Namaz Otyrar saıtyna bergen suhbatynda.

Shatyrdyń qulaýyna baılanysty Shymkent polısıasy "Sapasyz qurylys" baby boıynsha sotaldy tergeýdi bastaǵan. Tótenshe jaǵdaıdan eshkim zardap shekken joq.