Oblystyń damýynda sapaly jol-kólik logıstıkasy erekshe mańyzǵa ıe. 2021 jyly Óskemen qalasyndaǵy áýejaı aýqymdy rekonstrýksıalaýdan ótip, ushý-qoný jolaǵy kúrdeli jóndeýden ótse, al 2022 jyly Úrjar aýylyndaǵy ushý-qoný jolaǵyn qaıta jańartý jumystary aıaqtaldy.
Aldaǵy ýaqytta Zaısan qalasyndaǵy áýejaıdy qaıta jańartý josparlanǵan.
Infraqurylymdy damytýdyń 2025 jylǵa deıingi baǵdarlamasy sheńberinde Buqtyrma sý qoımasy arqyly ótetin kópir salý, Semeı qalasynda avtojol kópirin salý sıaqty jalpy ınvestısıa kólemi 218 mıllıard teńgeni quraıtyn aýqymdy jobalar iske asyrylatyn bolady.
Qomaqty qarajat respýblıkalyq, oblystyq jáne aýdandyq mańyzy bar avtomobıl joldaryn, sondaı-aq eldi mekender joldaryn damytýǵa, onyń ishinde «Aýyl – el besigi» jobasy aıasynda shalǵaı aýyldardaǵy kóshelerdi jóndeýge baǵyttalmaq.
Pikir qaldyrý