Májilis depýtattary, «AMANAT»partıasynyń músheleri Berik Ábdiǵalıuly men Iýrıı Jýlın Qaraǵandy oblysyna saparyn shalǵaı aýyldardy aralaýdan bastap, búgin «ArselorMıttal Temirtaý» AQ mettallýrgıalyq kombınatynyń ujymymen kezdesti.
Depýtattar metalýrgtermen Konstıtýsıanyń el damýyndaǵy rólin jáne jańa Qazaqstandy qurýdaǵy konstıtýsıalyq reformanyń mańyzdylyǵyn talqylady.
Iýrıı Jýlın konstıtýsıalyq reforma aýqymdy jáne túbegeıli ózgeristerge jol ashatynyn atap ótti.
– Konstıtýsıalyq sottyń qurylýy azamattardyń ózderiniń konstıtýsıalyq quqyqtaryn qorǵaý múmkindikterin keńeıtedi. Konstıtýsıaǵa engiziletin ózgerister Konstıtýsıalyq Keńestiń ókilettigin keńeıtpeıdi, kerisinshe, quqyqtary men múddelerine nuqsan keltirilgen dep sanaıtyn azamattarǵa máseleni qaraý úshin tikeleı konstıtýsıalyq sotqa júginýge quqyq beredi. Buǵan deıin Konstıtýsıalyq Keńes Prezıdenttiń jáne Májilis depýtattarynyń 2/3-iniń saýaly boıynsha osy nemese ózge zańnyń Konstıtýsıaǵa qanshalyqty sáıkes keletini jóninde túsinikteme bergen bolatyn. Endi konstıtýsıalyq sot árbir qazaqstandyqqa qabyldanǵan sheshimniń aıqyndyǵy turǵysynan qorytyndy alý úshin joǵary qadaǵalaý organyna júginý quqyǵyn beretin bolady, - dedi.
Óz kezeginde Berik Ábdiǵalıuly referendýmdy mańyzdy saıası oqıǵa ekenin atap ótti.
– Memleket basshysynyń málimdeýinshe, Qazaqstan tarıhyndaǵy jańa taraýdy Konstıtýsıaǵa túzetýler ashady. Qoǵamnyń jáne eldiń ómirine jan-jaqty áser etetin eldiń saıası júıesin qaıta iske qosýdyń órshil maqsattary qoıylǵan, – dedi depýtat.
Al «ArselorMıttal Temirtaý» AQ úshinshi domna peshi ýchaskesiniń jetekshisi Marlen Baıbýsınov zańǵa engizilgen tolyqtyrýlar men túzetýler týraly aıtyp, referendýmǵa óz qoldaýyn bildirdi.
– Biz kóptegen jyldar boıy eldegi halyq pen demokratıa sanasynyń ózgerýi týraly aıtyp kelemiz. Sondyqtan referendým buǵan yqpal etedi dep sanaımyn. Men referendýmdy qoldaý úshin mindetti túrde 5 maýsymda ózimniń saılaý ýchaskeme baramyn, - dedi metalýrg.
Kezdesýge qatysýshylar usynylyp otyrǵan jańa ózgeristerge taldaý jasap, konstıtýsıalyq reformanyń mańyzdylyǵyn, onyń ishinde azamattardyń memleketti basqarýǵa qatysýyn keńeıtý, quqyq qorǵaý salasyn nyǵaıtý máselelerin talqylady. Metalýrgter de zeınet jasyn tómendetý múmkindigi týraly óz usynystaryn aıtty.
«AMANAT» partıasynyń Qaraǵandy oblystyq fılıalynyń aqparaty boıynsha
