1 maýsymda Azattyq radıosy Qańtar qurbandaryna arnalǵan arnaıy jobany tanystyrdy. Ol jerde 5-8 qańtar kúnderi Qazaqstan qalalarynda oqqa ushqan nemese sol kezde alǵan jaraqattan qaıtys bolǵandar jaıly aqparattar toptastyrylǵan.

"Qandy qańtar qurbandary" dep atalatyn arnaıy jobada qazir 188 adamnyń aty-jóni bar. Ondaǵy arnaıy kategorıalar arqyly qurbandardyń jasy, oqıǵa orny, óliminiń sebepteri jáne ózge aqparatty iriktep oqýǵa da bolady. Basylym joba qaza bolǵandardyń týystary men kýálerdiń baıandaýlary arqyly qaıǵyly oqıǵanyń aýqymyn uǵynýǵa múmkindik beretinin jazady.

– Jańa Qazaqstan tarıhynda Qańtar qasireti sıaqty mundaı deńgeıdegi aýyr qylmys, aýyr oqıǵa, úlken synaq qazaq halqynyń basynda bolǵan emes. Azattyqtyń sizderdi osy sharaǵa shaqyrýynyń basty sebebi – oqıǵadan qaza bolǵan 238 adamnyń tizimin jasaýǵa talpyndyq. Bılik muny jarıalaǵan joq. Bes aı boıy biz Qazaqstandaǵy táýelsiz, azat medıanyń ókili retinde osy azamattardy izdedik, qaza bolǵandardyń aty-jónin túgendedik, kópshiligimen sóılestik. Kópshiliginiń úıine bardyq, artyndaǵy jesirin, jylap qalǵan jetimimen tikeleı tildestik. Bul áreketke jýrnalısik paryzymyzben, ózimińzdiń mindetimizben bardyq. Bul jumys endi ǵana bastaldy deýge bolady, – dedi Azattyqtyń Almaty búrosy jetekshisiniń mindetin oryndaýshy Qasym Amanjol jobany tanystyrý is-sharasynda.

Sharaǵa Azat Eýropa/Azattyq radıosy medıakorporasıasynyń prezıdenti Djeımı Flaı, Ortalyq Azıa aımaǵy boıynsha dırektor Hamıd Ismaılov, Azattyqtyń Qazaq qyzmetiniń dırektory Torokýl Doorov jáne qańtardaǵy oqıǵalar kezinde qaza bolǵandardyń týystary, azaptaýǵa ushyraǵandar, quqyq qorǵaýshylar, jýrnalıser men belsendiler qatysqan.