2022 jyldyń 30 mamyr kúni «Bugin Association» QB uıymdastyrýymen Turan ýnıversıtetinde «BILIM ALL LIKE» ıntelektýaldy-zıatkerlik saıysy ótti.

Jobaǵa Almaty qalasynyń Turan ýnıversıteti, ál-Farabı atyndaǵy Qazaq Ulttyq ýnıversıteti, Abaı atyndaǵy Qazaq Ulttyq pedagogıkalyq ýnıversıteti, Súleıman Demırel ýnıversıteti,  Qazaq Ulttyq qyzdar pedagogıkalyq ýnıversıteti jáne t.b. ýnıversıtet stýdentteri qatysty.

Jobaǵa qatysqan barlyq komandaǵa sertıfıkattar men «Daryn books» jobasynyń «Daryn» kitaptary tabystaldy. Sonymen qatar, joba barysynda júldeli oryn alǵan qatysýshylarǵa aqshalaı syılyqtar tabys etildi: 

Ál-Farabı atyndaǵy Qazaq ulttyq ýnıversıtetiniń «Alash» toby - İ oryn jáne 50 000 teńge;

Qazaq ulttyq qyzdar pedagogıkalyq ýnıversıtetiniń «Ǵylym stars» toby - İİ oryn jáne 30 000 teńge;

Almaty tehnologıalyq ýnıversıtetiniń «Ǵıbrat» toby – İİİ oryn jáne 15 000 teńge ıelendi.

Fınaldyq kezeńge deıin ótken Qazaq Ulttyq qyzdar pedagogıkalyq ýnıversıtetiniń «Tumar» tobyna jáne Qazaqstan-Brıtan tehnıkalyq ýnıversıtetiniń «BasTimes» tobyna arnaıy Baıjan Ádilet myrzanyń qoldaýymen «Eleven» karaokesine 10 000 teńge aqshalaı syılyqtar berildi.

«BILIM ALL LIKE» ıntelektýaldy-zıatkerlik jobasyn sátti ótkizýge atsalysyp, qoldaý bildirgeni úshin «Turan» ýnıversıteti basshylyǵy jáne Týlekova Gýljan Qajymuratqyzyna, «Keremet» keńse zattarynyń basshysy Qarataev Aslan Erbolulyna alǵys bildiremiz.

«Bugin Association» qoǵamdyq birlestigi