Qarjy monıtorıńi agenttigi "QazMunaıGaz" ulttyq kompanıasynyń burynǵy basqarýshy dırektory Ibýlla Serdige izdeý jarıalady. Bul týraly Qarjy monıtorıńi agenttigi habarlady.
Agenttiktiń habarlamasynda Ibýlla Serdi aldyn ala sóz baılasyp, sybaılastarymen birigip asa iri mólsherde senip tapsyrylǵan bótenniń múlkin jymqyrdy degen kúdikke ilingeni aıtylady.
"Qarjy monıtorıńi agenttigi "QazMunaıGaz" UK AQ burynǵy basqarýshy dırektory, 31.01.1976 jyly týǵan Serdi Ibýlla Jumaǵululyna izdeý jarıalady. İzdeýdegi kúdiktini anyqtaǵan nemese onyń shamamen ornalasqan jeri týraly qandaı da bir aqparat alǵan kezde agenttiktiń +7 7172 708 478, +7 7172 767 921 senim telefondaryna habarlaýdy suraımyz. Nemese Nur-Sultan qalasy Beıbitshilik kóshesi, 10 mekenjaıy boıynsha aqparat berýge bolady",delingen agenttik habarlamasynda.
Pikir qaldyrý