2022 jylǵy 20 maýsym men 19 shilde (qosa alǵanda) aralyǵynda ákimdikte úı kezeginde turǵandar arasynda "Baqytty otbasy" baǵdarlamasyna qatysýǵa ótinishter qabyldanady. Bul týraly Otbasy bankiniń baspasóz qyzmeti habarlady.

Ótinishter otbasybank.kz platformasynda qabyldanady. Baǵdarlamaǵa tómendegideı sanattar boıynsha ákimdik kezeginde turǵan azamattar qatysa alady:
- kóp balaly otbasy;
- múmkindigi shekteýli bala tárbıelep otyrǵan otbasy;
- tolyq emes otbasy (neke buzylǵan sátten bastap keminde 3 jyl ótýi tıis).

Baǵdarlama sharttaryna sáıkes, nesıe mólsherlemesi – jylyna 2 paıyzdy, alǵashqy jarna – nesıe kóleminiń 10 paıyzyn, nesıe merzimi – 20 jylǵa deıingi merzimdi quraıdy

Qatysýshyǵa jergilikti ákimdikter arqyly salynǵan nesıelik turǵyn úıdi nemese alǵashqy, ekinshi naryqtaǵy kez kelgen basqa turǵyn úı satyp alýǵa bolady. Nesıeniń eń joǵary somasy Nur-Sultan, Almaty qalalarynda jáne qala janyndaǵy aýdandarda, Shymkent, Aqtaý, Atyraýda 15 mıllıon teńgege, basqa óńirlerde 10 mıllıon teńgege deıin. Jyljymaıtyn múlik qaryz alýshy turǵyn úı kezeginde turǵan aımaqtan satyp alynýy tıis.