«Aýyl» halyqtyq-demokratıalyq patrıottyq partıasy SHQO boıynsha óńirlik fılıaly konstıtýtsıalyq reformalardy túsindirý jáne referendýmǵa qatysýǵa shaqyrý maqsatynda SHQO fermeleriniń dalalyq mehanıkalandyrylǵan brıagadalarymen kezdesý ótkizdi.
Kezdesý "Maıly daqyldar tájirıbelik sharýashylyǵy" JSHS egistiginde ótti. İs-sharaǵa SHQO-ǵy sharýa qojalyqtarynyń mehanıhatorlary, agronomdary, ósimdik qorǵaý mamanlary men seriktestiktiń eńbek ujymy qatysty.
SHQO boıynsha partıa jetekshileriniń biri Kamal Arnhanov qatysýshylarǵa QR Konstıtýtsıasyna engizilgen túzetýler men tolyqtyrýlardy túsindire otyryp, bul referendým azamattarymyzdyń memlekettik basqarý jumysyna keńinen qatysýyn qamtamasyz etetin jańa saıası júıege kóshýin qarastyratynyn atap ótti.
– Bizdiń elimiz – agrarlyq memleket jáne aýyl sharýashylyǵy ekonomıka salasynyń mańyzdy bir bóligi ekendigi sózsiz. Búginde bul salada myńdaǵan adam jumys isteıdi. Biz bárimiz óz memleketimizde ózgeris bolýyn tileımiz. Aldaǵy referendým Qazaqstan bolashaǵyn odan saıyn jarqyrata túsetinine senimdimiz, – dedi Kamal Arnhanov.
Sondaı-aq jıynda "Vostok-Agroteh" JSHS mehanızatory Aleksandr Pershınde 5-shi maýsym kúni bolatyn referendým úlken ózgeristerdiń, Jańa Qazaqstannyń bastaýy bolmaq degen oıyn bildire ketti.
– Ata zańnyń jańa redaksıasynda elimizdiń barlyq tabıǵı resýrstary Qazaqstan halqyna ǵana tıesili jáne osy ıgilikke ıelik etetin tek halyq qana, – dep aıtty eńbek adamy Aleksandr
Jınalǵandar referendýmǵa qatysyp, durys tańdaý jasaıtynyn aıtyp, josparlanyp otyrǵan konstıtýtsıalyq reformalar qarapaıym eńbek adamynyń erteńge degen senimin eseleı túsetinine kámil senedi.
SHQO Aqparat ortalyǵy
Pikir qaldyrý