Árkimniń óz tańdaýyn jasaýǵa quqyǵy bar, bul ereje tipti Óskemendegi perzenthanalarda da saqtalady. Búgin jas jáne bolashaq analar QR Konstıtýsıasyna ózgerister men tolyqtyrýlar engizý týraly jalpyulttyq referendýmda SHQO «ana men bala ortalyǵy» SHJQ KMK aýrýhana - akýsherlik-gınekologıalyq bólimshesiniń qabyrǵasynda daýys beredi.

Búkil Qazaqstandaǵy sıaqty, «ana men bala ortalyǵy» №60 ýchaskesiniń jumysy tańǵy 7-de bastaldy. Saılaý pýnkti qyzmetkerleriniń aıtýynsha, búgingi tańda olarda perzenthanadaǵy barlyq jandarǵa 250 búleten daıyndalǵan.

«Perzenthanada barlyq erejelerdi saqtaı otyryp, daýys berýge arnalǵan stasıonarlyq jáne tasymaldanatyn jáshikteri bar jeke kabınasy bar saılaý ýchaskesi quryldy. Bizdiń saılaý komısıasynda akýsherler, medbıkeler, dárigerler jumys isteıdi. Olar arnaıy nusqamadan ótti» deıdi Ana men bala ortalyǵynyń bosandyrý qyzmetiniń basshysy Serikbol Kúrkimbaev.

Operasıadan keıin, bosanǵan nemese ýchaskege kele almaıtyn áıelderge komısıa músheleri daýys berýge arnalǵan jyljymaly jáshigimen palatalarǵa barady.

«Eki kún buryn men otbasymyz úshin kópten kútken qyzdy dúnıege ákeldim. Ol tórt uldan keıin meniń besinshi balam. Biraq búgin aýrýhanada jatsam da, referendýmǵa qatysýǵa múmkindigim bar» deıdi bosanǵan áıelderdiń biri Ásem Saıdýova.

Aıtpaqshy, ótken táýlikte perzenthanada 23 sábı dúnıege keldi