Tarazda qańtar oqıǵasy kezinde ustalǵandarǵa sot jaza kesti. Zań aldynda 13 adam jaýap berdi, dep habarlady "Habar 24" telearnasy.
Aıyptylardyń bári shartty merzimge sottalǵan. Ekeýine 4 jyl, qalǵandaryna 3 jyl 6 aıdan berilgen. Olardyń deni jumyssyz.
Basylym kináliler qańtar oqıǵasy kezinde múlikterdi qıratyp, polısıaǵa qarsylyq kórsetkenin jazady. Oq-dári men qarý-jaraq urlaǵan. Olar sotta óz isterine ókinetinin aıtqan. Sondaı-aq sýdıa báriniń shıetteı bala-shaǵasynyń baryn eskerip, olardy sot zalynda bosatqan.
– Sot úkimimen jáne probasıa qyzmetine júkteletin mindetterdi oryndaýǵa mindettisizder. Túngi ýaqytta úıde bolý kerek. Jumys, oqýdan tys ýaqytta úıde bolý kerek. Qala, aýdan aýmaǵynan syrtqa probasıa qyzmetiniń ruqsatymen ǵana shyǵý kerek. Eger probasıada júrip, qylmystyq quqyqtarǵa jol berseńiz mindetterdi, talaptardy oryndamasańyzdar onda probasıa qyzmetiniń usynysymen taǵaıyndalǵan shartty túrdegi jaza kúshi joıylyp, jaza tolyqtaı óteletin bolady, – dedi №2 Taraz qalalyq sotynyń sýdıasy Baǵdat Tórebekuly.
Pikir qaldyrý