Ádilet vıse-mınıstri Alma Muqanova ortalyq komýnıkasıalar qyzmetinde "Ekinshi respýblıka. Jańa saıası modelge kóshý" taqyrybymen ótken brıfıńte 5 maýsym kúngi referendým arqyly qabyldanǵan zańdyq normalardyń kúshine ený barysy týraly aıtty.

Alma Muqanova referendýmǵa shyǵarylǵan konstıtýsıalyq ózgerister qabyldanǵanyn atap ótti.

Konstıtýsıaǵa engiziletin normalardyń biri parlamentti qurylymdaýǵa baılanysty bolǵan. El arasynda referendým ótken soń uzamaı VIİ shaqyrylymdaǵy parlament tarap, jańa saılaý ótetini týraly áńgime jeldeı esken. Alaıda Alma Muqanova parlamentti taratý máselesi kún tártibinde turmaǵanyn, jańa normalar VIİİ shaqyrylymdaǵy parlamentti jasaqtaý kezinde áreket etetinin aıtty.

– Konstıtýsıaǵa engizilgen ózgerister VIİİ shaqyrylymdaǵy parlament májilisi depýtattaryn saılaýdan bastap qoldanylatyn bolady. Jumys istep jatqan VIİ shaqyrylym 2026 jyldyń İ jartyjyldyǵynyń sońyna deıin óz qyzmetin jalǵastyrady. Qazir VIİ shaqyrylymdy taratý boıynsha suraq qoıylyp otyrǵan joq, – dedi vıse-mınıstr.