Konstıtýsıaǵa engiziletin ózgerister qabyldanǵandyqtan, Tuńǵysh prezıdent týraly zań kúshin joıyp, eks-prezıdenttiń týystaryn qylmystyq jaýapkershilikke tartýǵa zań turǵysynan jol ashylmaq. Bul týraly ortalyq komýnıkasıalar qyzmetindegi brıfıń barysynda málim boldy.
Alaıda Nursultan Nazarbaev eks-prezıdent retinde áli de zańmen qorǵalǵan. Ádilet vıse-mınıstri Alma Muqanovanyń sózinshe, prezıdent týraly konstıtýsıalyq zańnyń 36-babyna saı, eks-prezıdentter óziniń prezıdenttik merzimi kezinde qabyldaǵan sheshimderi úshin qylmystyq jaýapkershilikke tartylmaıdy.
Eks-prezıdentter tek otanǵa opasyzdyq jasady dep kúdikke ilinse ǵana, sottalýy múmkin.
Alma Muqanova jýrnalıserdiń eks-prezıdentter merzimi kezinde qyzmetin asyra paıdalanǵan, jemqorlyqpen aınalysqan bolsa, qalaı bolady degen saýalyna quzyrly organdardan naqty aqparatty alyp baryp jaýap berý kerek dedi.
Pikir qaldyrý