Qazgıdromet 11-13 maýsymǵa arnalǵan aýa raıy boljamyn jarıalady. Sınoptıkterdiń dereginshe, aldaǵy kúnderi aýa raıy turaqsyz bolady.
"Soltústik-batys jáne Ońtústik sıklondarynyń birigýinen respýblıkanyń barlyq aýmaǵynda derlik aýa raıynyń turaqsyz sıpaty saqtalady. Jańbyr jaýady, 11-12 maýsymda respýblıkanyń ońtústigi men ońtústik-shyǵysynyń taýly aımaqtarynda naızaǵaı oınap, jel kúsheıedi, burshaq jaýýy múmkin. Ońtústik-batysta, ońtústikte shańdy daýyl kútiledi" delingen aqparattyq habarlamada.
Respýblıkanyń batysynda, soltústik-batysynda aýa temperatýrasy kúndiz 22-30-dan 17-26-ǵa deıin tómendese, ońtústik-batysta 25-35-ke deıin joǵarylaıdy. Soltústikte 20-28-den 25-30-ǵa deıin aýytqıdy, shyǵysta 28-37-den 24-33-ke deıin tómendeıdi. Ortalyqta 22-30-dan 27-32-ge deıin kóterilse, al ońtústik óńirlerinde 25-35-ten 20-30-ǵa deıin tómendeıdi djep kútilip otyr.
Pikir qaldyrý