– Biz jergilikti jerlerge baryp, oblys ortalyqtarynyń ınfraqurylym, jyljymaıtyn múlik obektileriniń bolýyn, ákimshilik ǵımarattardy satyp alý, jalǵa alý jáne jóndeý qajettilikterine ázirligin zerdelep, taldadyq. Jalpy, jańa oblys ortalyqtarynda memlekettik organdar men qyzmetkerlerdiń jumys isteýine qajetti ákimshilik ǵımarattar bar. Búgingi tańda jergilikti atqarýshy organdar oblys ortalyqtaryndaǵy ákimshilik ǵımarattardy satyp alý, jóndeý, jalǵa berý úshin qajetti búdjet qarajatynyń aldyn ala kólemin anyqtady. Aldyn ala jalpy qajettilik shamamen 12 mlrd teńgeni quraıdy. Búdjet qarajatyn bólý máselesi Qazaqstan Respýblıkasynyń búdjet zańnamasynda aıqyndalǵan tártippen qaralady, – dedi mınıstr.
Ulttyq ekonomıka mınıstri Álibek Qýantyrov Ortalyq komýnıkasıalar qyzmetinde ótken brıfıńte jaqynda jańa ákimderi taǵaıyndalǵan oblystardyń máslıhattar sesıasynda oblystardy basqarý sqemasyn bekitý máseleleri shyǵarylatynyn, endi oblystyq basqarmalar qurylyp, tıisti kadrlyq taǵaıyndaýlar júrgiziletinin málim etti.
Sózinshe, úkimet tıisti qaýly qabyldap, oǵan qosymsha birlikter bóle otyryp, qaıta qurylǵan jáne qurylǵan oblystar aýmaǵyndaǵy ákimdikterdiń shtat sanynyń lımıtteri belgilengen.
Mınıstr sondaı-aq jańadan qurylǵan oblystarda aýmaqtyq bólimsheleri qurylatyn ortalyq memlekettik organdar úshin shtat sanyn belgileý boıynsha jumys júrgizilip jatyr. Keıin óńirlerde búdjet pen komýnaldyq menshikti oblystar arasynda bólý jumystary bastalady.
Pikir qaldyrý